Өрөспүүбүлүкэтээҕи көр-күлүү күөн күрэстэрин хас да төгүллээх кыайыылаахтара, лауреаттара, “Тэбэнэттэр” көр-күлүү бөлөх артыыстара — СӨ култууратын туйгуна, Хоноҕордооҕу “Түһүлгэ” сынньалаҥ киин уус-уран салайааччыта Валентина Сергеевна Бубякина, Суоттутааҕы “Мичээр” сынньалаҥ киин үлэһитэ Христина Николаевна Неустроева 30 сыллаах айар киэһэлэрин бар дьонноругар бэлэхтээтилэр. Кинилэри эҕэрдэлии кэлбит өрөспүүбүлүкэбит, улууспут көр-күлүү бөлөхтөрө, биллиилээх ырыаһыттар олус чаҕылхай нүөмэрдэри көрдөрөн Суотту… (читать далее)

Аан дойду дьахталларын күнүнэн, сааскы маҥнайгы бырааһынньыгынан Суоттубут нэһилиэгин кэрэ аҥаардарын эҕэрдэлээн туран Суотту эр дьонун эҕэрдэ кэнсиэрдэрэ ыытылынна.

Ийэ тыл күнүн чэрчитинэн, Арассыыйаҕа норуоттар сомоҕолоһууларын, Саха сиригэр Култуура, Уус-Алдан улууһугар Түмсүү уонна бииргэ үлэлээһин, Суотту нэһилиэгэр Тыа хаһаайыстыбатын сылларынан «Төрүт үгэс ситимэ: төрөөбүт тыл, култуура, сомоҕолоһуу» биэчэрэ ыытылынна.

Үтүө үгэскэ кубулуйбут сылы түмүктүүр дьоһун тэрээһин ыытылынна. Дьоро киэһэни ылбаҕай ырыаларынан киэргэттилэр Саха эстрадатын эдэр ырыаһыттара Күндэл, «Үрдэл-2025» муҥутуур кыайыылааҕа Василий Новоприезжий. Ону таһынан анал ааттар туттарылыннылар.

Халыҥ хаар үллүктээх, аар дьыбар аргыардаах, уһун түүн уратылаах, кылгас күн бэлиэлээх үйэ саас саҕаттан өһүллүбэт сокуоннаах, дьыл бэлиэтэ уратылаах, туспа сиргэ тэҥнэспэт туохтааҕар да тупсаҕай кэрэ айылҕалаах Сахабыт сиригэр Саргылаах Саҥа дьылынан. Суоттутааҕы «Мичээр» сынньалаҥ киинигэр «Оҕуруоттаахха Саргылаах саҥа дьыл» диэн нэһилиэк тэрилтэлэрин талааннаах дьонун холбоһуктаах дьонун кэнсиэрэ ыытылынна.

Арассыыйаҕа Аҕа дойдуну, Саха Өрөспүүбүлүкэтигэр Ийэ дойдуну көмүскээччилэр, Кыайыы 80 үбүлүөйдээх сылларын түмүктүүр Кыһыл Кырдал ытык сиригэр Хоноҕордооҕу «Түһүлгэ» сынньалаҥ киинигэр үйэлээх үтүө өйдөбүл бэлиэ тэрээһинэ ыытылынна. Аҕа дойду сэриитин кэминээҕи Кырдал историятын кэрэһэлиир: С.С. Васильев — Борогонскай олоҕун, байыаннай үөрэхтээһин, детдом олоҕун көрдөрөн киэҥ ис хоһоонноох быыстапканы олохтоох библиотекардар И. Осипова,Р.Черкашина туруоран дьон болҕомтотун… (читать далее)

Ахсынньы 11 күнүгэр 2025 с. Хоноҕордооҕу сынньалаҥ киин киэҥ түһүлгэтигэр ырыа айааччы, киинэ устааччы режиссер, Саха Өрөспүүбүлүкэтин култууратын туйгуна, киэн туттар биир дойдулаахпыт — Мэҥэ — Хаҥалас улууһун култуураҕа управлениетын айар тэрээһин салаатын исписсийэлииһин, мэлдьи айар үлэҕэ үөһүгэр сылдьар Прокопий Серафимович үйэ аҥардаах үбүлүөйдээх сылыгар ырыа эйгэтигэр, айар үлэтин 30 сылын бэлиэтиир ырыа киэһэтин, истиҥ… (читать далее)

«Кыһын саҕаланар Саха сириттэн» фестиваль чэрчитинэн Суотту нэһилиэгэр Харыйа уота умайда. «Саҥа дьылга бэлэмнэнэ» — Суотту талааннаах дьонноруттан маастар кылаастар, атыы-тутуу дьаарбаҥката ыытылынна.

Бу дьыл сэтинньи 14, 15, 19, 20 уонна 25 күннэригэр улууспутугар тыа хаһаайыстыбатын сылынан, 1967 сыллаахха оройуоҥҥа бастакынан тэриллибит бииргэ күргүөмүнэн үлэлээн — хамнаан ааспыт Герой-маяк дьоннордоох, Өрөспүүбүлүкэҕэ биир бастыҥ көрдөрүүнү ситиспит «Лена» совхоз отделенияларын уус-уран самодеятельноһын кэнсиэрэ ыытылынна. Кыттыыны ыллылар Тумул, Сыырдаах, Курбуһах, Бэйдиҥэ, Суотту талааннаах дьоно.